ملك قامت بسرعه: لا انا موافقه انا عايزه امشي
عادل بصلها بغ.ضب وطلع من الاوضه بسرعه وملك بدات تجهز نفسها عشان تسافر لعمها في البلد
احلام بعتا.ب : طول عمري اعرف انك عاقله ي ملك بس طلعت غلطانه انا اتصلت بعمك وزمانه جاي يلا اخلصي
ملك كانت صعبان عليها نفسها وحتي مبصتش ليها وكملت لم هدومها وحاجتها
احلام طلعت من الاوضه بسرعه وراحت اوضتها هي وعادل لقتو بيشرب سجا.ير: حقك عليا ي عادل
عادل: مكنش ليها لازمه ملك تمشي من هنا
احلام: ازاي بقا وهي مش قادره تقتنع انك خلاص بقيت ابوها دي لسه ضر.باك بالقلم اومال لو قعدت اكتر من كدا هتعمل اي..علي العموم ابن عمها هنا في القاهره ونص ساعه وهيكون هنا وتمشي معاه لغايت ما تعقل
عادل نفخ دخان السجا.ره ب.غضب
احلام ببتسامه : حقك عليا بقا وبعدين فك كدا دا احنا لسه عرسان ي راجل
عادل اضا.يق وسبها ومشي: انا خارج
احلام بصتله وهو ماشي لغايت ما سمعت صوت الباب وهو بيترزع اتنهدت وراحت اوضة ملك لقتها قربت تخلص
احلام: انا عارفه انك مكنتيش حبه الجوازه دي بس عادل طيب والله ولو كنتي اديتي فرصه كنتي هتعرفي لوحدك..(اتنهدت وهي شايفه ملك بتتحرك في الاوضه وهي مضا.يقه) ابن عمك زمانه جاي جهزتي
ملك قفلت شنطة الهدوم: ايوه هغير بس ممكن تطلعي