دلف العسكري، وبعد دقيقة دلفت قمر عندما ابلغها أن تتفضل
قمر…. قمر المحمدي
المقدم…. غنية عن التعريف يا فندم
يونس…. قمر
قمر…. اذيك يا دكتور ثم استطردت… ممكن تسبنا شوية يا حضره المقدم
المقدم…. حاضر خدي راحتك
خرج الجميع ومعتز وأحمد
قمر…. بقا متكملش يومين في مصر وتتمسك تجارة أعضاء
يونس بضيق…. جاية تهزري… اي اللي عرفك اصلا وحايبة محامي أنتِ عرفتي منين
قمر…. عيب واللهِ لما تسأل السؤال دا أنا جاية افهم اي اللي حصل وعلاقتك اي علشان نخلص الموضوع قبل ما تتعرض على النيابه لولا أن المقدم عارفك كان زمانك بتتعامل اسوء معامله انت جاي في تحاره أعضاء مش سرقة محفظة
يونس…. أنا نزلت من البلد روحت شقتي نمت وصحيت روحت المستشفى عادي جدًا فاجاه البوليس جه وفتشوا المستشفي كلها
ومعاهم ضبط وإحضار ليا، وورق صفقات ممنوعة أنا ماضي عليها
قمر…. يعني مش مزوره
يونس بتذكر…. لا لا هى امضتي يا قمر