قمر…. المحمدية دول اللي هما جدك محمد اللي في السرايا وستك زهرة وأنا وكل العيلة
حمزة…. طول عمري اعرف أن الصعيد ميحكمهاش ست
قمر… من صغري وأنا مقتنعة أن اللي يعمله الراجل تقدر عليه الست بس العقل يشتغل يا حمزة، أنا وحيدة ابويا الله يرحمه كان لازم
أكون احسن من اي راجل علشان اسم ابويا يفضل مسمع في الصعيد ميقولوش جلال ما*ت وخلاص، لا قمر جلال المحمدية تسد مكان اي راجل،عاوزه اسالكوا سؤال امكوا اتق*تلت ازاي
حمزة… احنا كنا تحت في السوبر ماركت هو بعيد عن العمارة شويه، طلعنا لقينا الباب مفتوح وبابا نايم على الأرض مغمي عليه، فوقنا
بابا بسرعة دخلنا الاوضة لقينا ماما مضروبة بالسك*ينة
قمر لفت انتباها جملة حمزة لتتحدث بذكاء…. لقيتوا باب الشقة مكسور ولا مفتوح
ليليان بتذكر…. لا كان مفتوح مكنش فيه اي كسر كان سليم
معتز……أنا بقول كفاية كده كلام ونكمل يومنا
قمر بانتباه بعد أن شردت قليلًا… هاا وأنا بقول كده برده،يالا بينا نروح الاسطبل
حمزة…. في هنا احصنة بجد
قمر…. طبعًا الاسطبل هنا مليان خيل من اللي عينك تحبه
اتجهوا إلى الاسطبل، دخلوا إلى الاسطبل كان يوجد الكثير من الغرف التي تتواجد فيها الخيل