زهرة…. بخصوص ليليان وحمزة
قمر…. ولا حاجة هيفضلوا معايا هنا وقت ما ابوهم يشوفهم يجي اهلًا وسهلًا بسه لكن هيشوفهم بره، رجله متخطيش عتبه السرايا
محمد…. ما نرجعله عياله يابنتي وكفايه لحد هنى عاد
قمر…. جدي هنتكلم بعدين مش قدام العيال يالا نكمل الفطور، وبلغوا معتز أن انهارده مفيش شغل
أحمد….. ليه عاد
قمر…. اليوم اجازه علشان هفسح ليليان وحمزة
الجميع في صوت واحد… ايوه اجازه
محمد…. من ميتا
قمر…. عيبه في حقنا والله يكون حدانا القمرات دول ومنفرجهمش على الصعيد ولا اي
زهرة.. صُح يا بنتي
وأكمل الجميع فطوره، بعد أن انتهوا صعدت قمر إلى الجناح لتقوم بارتداء عباية فضفاضة باللون الزيتي ووضع طرحة على شعرها.
هبطت إلى الاسفل وجدتهم في انتظارها، اخذتهم وخرجت إلى الخارج وجدت معتز في انتظارها
معتز…. يالا بينا
قمر بغرابة…. على فيه
معتز…. نخرج
ضحكت قمر ضحكة رنانة لتقول…. على فين أنا قولت أنا وليليان وحمزة
معتز بغيظ…. وهو معتز بيجي في المشا*كل بس يالا يا قمر
نظرت إليه بيأس، ثم خرجت وهم خلفها
اتجهوا إلى الاراضي الزراعية الجميع والزرع الأخضر الرائع
ليليان بفرحة….. الله الڤيو هنا تحفه
قمر…..أنتِ لسة شوفتي حاجة، كل دا بقا ملك المحمدية
حمزة…..المحمدية دول اللي هما مين