_ آدم بفرحة مصحوبة بدموع :- انتي امي
_ أية بصتله ومن نظرتها ولهفتها من قبل ماتتكلم عرف انها دي أمه بدأ يبوس أيدها ورأسها ويحضنها :- كنت مستنيكي اووي من زمان يامي كنتي فين هونت عليكي تسيبني لوحدى انا عارف أنه غصب عننا عارف أنه بسبب الكلا’ب دول كل لحظة كانت بتعدي عليا وانا بدعي ربنا أنه يرجعك ليا
_ أية :- انا عمري منسيتك يبني وعمري مسبتك ، حد ينسى ابنه دانا كنت مستعدة اقدملك عمري مقابل اني اشوفك عايش ومبسوط ، انا كان قلبي حاسس انك عايش شوفت يامحمد ياما قولتلك أن ابني لسة عايش قولتلك دا إحساس الام
_ حضنوا بعض مرة تانية والكل واقف حواليهم ومن الموقف فيه اللي عيط بجد
_ بهجت :- يعني سلامتكم كنتوا لسة عايشين ،بس انت السبب ياعاطف انت اللي جبتلنا الولد ده لحد هنا
_ عاطف:- استحالة يكونوا هما ،وبعدين مش انت اللي قولتلى أنهم ما’توا واتفح’موا
_ ادم:- ادينا قدامكم اهو
_ورد:- يعني انت مش ابن عمي عاطف
_ ادم:- انا ابن عمك اه بس عمك محسن مش عاطف ، انا ابن الملجأ اللي راح الملجأ بسبب ابوكي وعمك بهجت انا اللي اتفرقت انا وامي بسببكم
_ ورد:- يعني انت مكنتش بتحبني واتجوزتني عشان امضي ابويا وامي عالورق
_ بهجت بصد’مة:- ورق ايه
_ ادم :- تنازل عن كل املاكم دا بالنسبالك وبالنسبة لعاطف فكان عاملي توكيل ف اني اتصرف ف كل حاجة براحتي بعت وكتبت كل حاجة لنفسي
_ عاطف بجنو’ن :- لا استحالة تكون عملت كدا دي فلوسي ومالي وبعدين انت كتبهم باسم زين وباسمي يعني ادم ملوش حاجة غير حق أبوه خد حق ابوك بس الباقي ميلزمكش ،دا حقنا
_ ادم :- بس ده مكنش كلامكم زمان ، استنى هو انا نسيت اقولك اني نقلت كل حاجة من اسم زين لادم يعني دلوقتي انتوا تمشوا من هنا وتحمدوا ربنا اني هطلعكم باللبس اللي عليكم
_ أية:- ياااه عمري مكنت أتخيل أن ده يحصل ربنا كبير اوي