–لو ملك حصلها اي خدش، انت ال هتشيل المسؤليه، وبكره لو معتزرتش انت وشويه الكلاب دول قدام المدرسه كلها، خلال ساعه هتكون قاعد ف بيتك بتولول.
=تمام ي ادهم بيه..هي ملك تقرب لحضرتك اي ؟!
-ملك تبقي بنت عمي.. يلا ي ملك روحي ع فصلك واليوم يمشي عادي اي حاجه تحصل رني عليا هتلاقيني هنا
-حاضر يا ابيه..وجريت ملك وهي فرحانه من ال عمله ادهم، وحقها ال رجعلها، وان المدير نفسه هيعتزرلها بكره.
“رجع ادهم ع الشركه ومشي اليوم عادي ما بين صفقات للشغل وزيارات لشركات تانيه، اما ملك خلصت يومها ف اامدرسه ورجعت البيت وهي داخله خبطت ف بنت ٢٣سنه طويله، شعرها قصير، عنيها رمادي،
*مش تخلي بالك يابت انتي
-انا اسفه مكنتش باصه قدامي
*طب انتي بنت الخدامه الجديده، لما ادهم باشا يجي قوليله رزان رجعت من لندن وجات هنا.
” قالت كده وملك واقفه مص@دومه ازاي تقولها كده وازاي مفكراها بنت الخدامه ”
-قوليلوا انتي انا مش خدامتك انا بنت عم ادهم