ندى : اية مش عجباك المنظر روح بص برة يا حضرة
ياسين : امممممممم هو النهاردة يوم النكد العالمى ولا اية
ندى:ها عملت اية مع ادم
يأسين :رجع معاى البيت وجدك نهى الموضوع بس البت فاتن مزودها قوى عليه عفريت اسمه طلقنى
ندى: اه طبعا ما انت راجل زيه وانت يهمك فى اية أن شاء الله الستات تولع تخون وتنبسط وفى الاخر عايز ترجع البيت تلاقى الجارية بتعتك مستناية عايز حاجة يا سى ياسين
ياسين :وأية دخل ياسين فى الموضوع بس انتى عايزة خناقة وخلاص بس قوللى لو انتى مكان فاتن تطلبى الطلاق
ندى: لا اختك هبلة وطلبت الطلاق انا لا
ياسين : اية العقل ده والنعمة قلقان منك
ندى:بص بقة ياسينو عشان لو الشيطان مرة عمل معاك الدنيئة وحلمت حلم بس انك تخونى لازم تعرف انى مش هطلق لا يا بابا مش انا هعمل حاجة تانى هعملك عشاء رومانسى على ضوء الشموع
ياسين :لا بجد ده انا اخونك كل يوم بقة
ندى:اه خون عشان الأكل اللى فى العشاء الرومانسى فى سم فئران
ياسين : يا مرارى الطافح هتسمينى
ندى:لا يا قلبى متهونشى عليا اسمك بس برده انا هاجيب ساطور بتاع الجزار وحقطعك حتت حتت وحعبيك ف اكياس سوده وحوزعك على أنحاء الجمهورية كله ومتخفيش حعملك عزاء 3 أيام وحلبس عليك اسود برضة ما هو انت جوزى برضة
ياسين : حونينة قوى حتلبسى اسود 3 ايام كتير عليا والله ده كرم انا مستحقهوش
ندى:يالا قلبى الطيب اللى مودينى فى داهية
ياسين:داهية أما اتشيلك وارتاح
ندى:بتقول حاجة سامعاك بتبرطم
ياسين : حبيبة قلبى ياعسل
ندى : بحسب يالا عشان تنام