معاذ وميس اخواتها التوام عمرهم 8سنين
معاذ : اتاخرتى انهاردة ، واحنا كنا جعانين
سارة باست خده واتكلمت بحنيه مش بتتكلم فيها مع حد غير بس اخواتها : حقك عليا يا عمرى ، شوف انا جبتلكم
ايه
ميس : انا كنت عايزة انام ، بس معاذ قالى استناكى
سارة اخدتها فى حضنها : تنامى من غير ما اشوفك ، وكمان من غير ما تكلى ، انا جبتلكم حجات انتوا بتحبوها اوى
، يلا تعالو
رصت سارة الاكل على الترابيزة وقعدت اخواتها وفضلت تاكل فيهم وتلعب معاهم
خلصوا الاكل ، يلا بقى على الحمام لازم تاخدوا دوش علشان البهدله دى
سمعوا كلامها واستحموا ودخلتهم يناموا ،كل هوجت سارة بعد ما اطمنت على اخواتها
روقت البيت وخلصت اللى وراها كله
دخلت سارة الحمام اخدت شاور وخرجت لبست هدومها واترمت على السرير بتعب الدنيا كله
سارة : اااااه يابابا ، كان لازم يعنى تسيبنى لوحدى كده اعا|فر فى الدنيا اللى مش شايفه منها يوم حلو ، ولا انتى يا امى ، كان لازم تروحى معاه وتسيبينى لوحدى كده
يارب ريحنى بقى يارب ، انا تعبت
واستسلمت لتعبها ونامت
فى نص الليل والبيت كله هوس هوس
صوت از|از البلكونه بيتك|سر ، قامت سارة مف|زوعه وطلعت تجرى على برة تشوف فى ايه