دخل ايهاب المكتب وقعد وسارة واقفه ادامه
ايهاب : ها ياست سارة ، تعرفى ايه عن اللى لقناه فى عربيتك
close
سارة : معرفش اى حاجه حضرتك ، انا خرجت زى كل يوم الصبح وروحت الموقف واخدت دورتى فى العربيه ،وصلت لمكانى وانا راجعه حضرتك كنت فى الطريق والباقى معروف
ايهاب : يعنى عايزة تفهمينى أن فرش الحش|يش دخل عربيتك لوحده من غير ما تعرفى
سارة : معرفش مين ممكن يعمل كده ، حتى التباع اللى معايا واخد اجازة بقاله كام يوم عشان عمل عمليه ،
ومعرفش مين ممكن ياذينى كده
ايهاب : انت ليكى أعداء
سارة : أعداء ايه بس يابيه، انا واحده على باب الله ، لا انا سيدة أعمال ولا ليا أسهم في البورصة عشان يكون لى أعداء
ايهاب : كده انت مش بتساعدينى خالص وهتضطر احطك فى الحجز اربع ايام على ذمه التحقيق
سارة بحزن : اللى عندى قولته ياباشا وربنا معايا ، بس ينفع اطلب طلب