مؤمن : ليه كده بس ، انا كنت جاى اطمن عليك واشوفك عملت ايه فى حوار اختك
تميم : انت مال اهل|ك ، ولا يكونش المشغلك هو اللى باعتك
مؤمن : برضو تانى ، عمتا انا ماشى ، بس خليك فاكر انى عملت اللى عليا
اول ما مؤمن خرج تميم طلع الفون بتاعه بسرعه
تميم : ايوا يا مصطفى ، بقولك ايه
انا عايزك تكلف حد خبرة كده تبعك يراقب مؤمن الشرقاوى
مصطفى: خير ياتميم
تميم : اسمع بس كلامى ، انا عارف كويس أن هو واللى مشغله ورا كل حاجه ، ومش هسكت غير لما اقبض عليه
مصطفى: اعتبره حصل ياباشا ، حاجه تانى
تميم : عملت ايه فى حوار الصور
مصطفى: تم ياباشا ، واحنا حاليا واقفين فى اللجان اللى ع الطرق ومش هنسكت غير ماترج
تميم : تمام يا مصطفى ، انا جاى حالا
فى المستشفى
خلصت ناديه وسلمى كل حاجه وتميم طلب اوبر واتحركوا علشان يمشوا
ركبوا العربيه واتحركت بيهم
السواق كان هيوصلهم الاول على بيت سلمى وبعدين يوصل ايهاب
ايهاب : انا والله بشكرك جدا ياست الكل على تعبك معايا لولا وجودكم كان زمانى محتاس