عند نغم وصلت فريدة اليها ،وبدأو يتحدثون عن العمل ،،وبعد فترة من محادثتهم، ،نظرت فريدة إلى نغم
فريدة :ايه حكاية د.ريان يانغم ،،،امبارح بتقول ،وريان لوحده اكبر مشكلة في حياتك ،،،انا عارفة ان دي حاجات خاصة ،،لو مش عايزة تحكي خلاص ،،،
نظرت اليها وكأنها وجدت ملجأ حياتها لكي تخرج بمكنونات قلبها ،،،،،،
حبيته ،اه حبيته ،،هتقولي امتى وازاي ،دا انتوا مشفتوش بعض غير كام مرة ،،هقولك حبه ساكن قلبي من حوالي سنتين تقريبا ،،وبدأ يكبر لحد ماوصل للعشق يافريدة ،،،بس للاسف طلع حب وهمي من ناحيتي بس
هو مالوش علاقة باللي في قلبي ،،،بس بيوجع فيّا ،،،،
مش بيقولوا القلوب بتحس ببعضها ،طب هو مش حس بيّا ليه ،،لا دا كل مرة بيد…بح فيا ،،،،
ربطت فريدة على يد صديقتها:دا كله وانتي مخبية عليا ،،يانغم ،طب حبيته ازاي ،شوفتيه فين ،،،،
نغم :شوفته مرة واحدة في الجامعة ،،فاكرة يوم العاصفة الشديدة اللي كانت حصلت واحنا في أولى لما انتي مرحتيش ،،وانا رحت اسلم شيتات ،،قابلته اليوم دا ،،كان رايح لباباه، ياخده من الجامعة ،،يومها خبط بيه ،،وبعدين الدكتور محمود شافني وانا خارجة ،،،وكان الجو ممطر جدا وهو وريان كانوا ماشين ،،،ركبني الدكتور محمود معهم ووصلوني، ،وطول الطريق وهو بيتكلم مع باباها وباباها فضل يهزر معايا ،،لحد ماقعد يتكلم معايا ،،،عجبني تفكيره جدا ،،شدني بجاذبيته ،،حسيت وانا بكلمه بحاجات غريبه مع انها اول مرة ، ومن ساعتها بنيت احلام فارس أحلامي ،،،