– سميحة عيب كده
وقبل أن تتحدث سميحة مرة أخرى .. هتف الرجل الكبير قائلا بضيق:
– انا هروح ألحق البنت إللي اخوها ممكن يعمل فيها حاجة دي
همس علاء بتوسل :
– ياريت يا عم سعيد
جلست كاميليا مع طفلتها وحدهم .. لتتحدث معها بهدوء قائلة:
– بصي يا حبيبتي انا عايزة اتكلم معاكي شوية..
همست الطفلة برقة:
– اتفضلي يا كوكي
قبلتها كاميليا من وجنتها الممتلئة:
– يوغتي على الأدب
لتضيف بعدها بعتاب :
– انا عايزة افهم .. مش احنا كنا متفقين أن انتي تقعدي مع آنا صفاء
close
عضت على شتفيها الصغيرة بتردد:
– أيوة يا مامي
سألتها كاميليا بتوجس:
– ايه بقى اللي غير رأيك وبقيتي خايفة كده؟
اجابتها بخوف :
– اصل انتي ممكن تسيبيني
ضمتها كاميليا إلى صدرها بحنان :
– انا مقدرش اسيبك.. انا اسيب الدنيا كلها ولا اسيبك انتي
همست بتردد: