– الحمدلله يا جدو اتفضل
– ينفع تسيبيني معاها شوية يا فاتن
حذرته فاتن قائلة:
– جدو لو سمحت ماتقولهاش ترجع للي اسمه سامج ده وعيلة السماح
– معلش يا فاتن سيبينا شوية بس يا حبيبتي انا عايز اتكلم معاها وافهم دماغها ايه
زفرت بحنق وهي تخرج لتتركهم سوياً:
– طيب
close
– سامح راح لعمك بيشتكيله أننا رافضين نرجعك وانك عايزة تتطلقي
– ما احنا فعلا هنتطلق يا جدو
– بس برضو يا كاميليا في بنت جاية في السكة.. انتي خلاص اتأكدتي انها بنت مش كده ؟
– اه الدكتور قالي طلعت بنت
زفر الجد بحزن:
– يعني هتتربى بعيد عن ابوها !
ردت بلا مبالاة :
– تتربى يا جدو… تتربى بعيد عنه احسن بكتير
– بس انتي كده يا بنتي هتخسري كتير وهتشيلي حمل كبير لوحدك