-قومي بصي لنفسك في المراية يا كاميليا بالله عليك
ثم أردفت بضيق:
– أنتِ مش ست إزاي !! يا بنتي ده أنتِ مفيش حد مبيقولش عليك غير إنك جميلة الجميلات.. إلا كلب البحر اللي أنتِ متجوزاه اللي بيحاول يخليك تفقدي الثقة بنفسك
صرخت كاميليا ببكاء :
– أنتِ مش بتسمعي هو بيقولي ايه .. أنا عايزة أبقى حلوة عشان محدش ينتقدني
– تبقي غبية والله العظيم .. الحاجات دي طبيعية جدا كلنا كبنات مفيش واحدة فينا كاملة
ثم أكملت غاضبة:
close
– أومال لما تخلفي وشكلك يتغير وتتعبي أكتر وأكتر هيعمل فيك ايه.. ردي عليه وأحرجيه بعد كده
– بحس يمكن كلامه صح .. مامته بتقولي نفس كلامه
– دول غيرانين منك يا غبية
– تفتكري !
– والله العظيم أنتِ زي القمر
________