-ممكن ننقل الحضانة لجدتها بقى وقتها .. هنشوف بس الاهم دلوقتي انك تفكري
– أن شاء الله..
– صحيح انت انفصلت ليه عن مراتك ؟
– بسبب الخلفة
سألته بتوجس:
– منك ولا منها ؟
هز رأسه بنفي:
– بصي هو الدكتور قال في مشكلة عندها بس اكيد كانت هتتحل مع الوقت… مفيش مستحيل مع ربنا.. بس هي استعجلت…وكانت عايزة طول الوقت تعمل عمليات كتير وانا والله فضلت جنبها ومقصرتش خالص في أي حاجة..لحد ما لقيتها مهووسة بموضوع الخلفة…وان في دكتور … على كلامها يعني قالها طالما العملية فشلت كذا مرة يبقى ممكن ملكوش نصيب سوا…واتهمتني ان يمكن العيب عندي انا وأنها لو اتجوزت راجل تاني اكيد هتخلف
اتسعت عيناها الرمادية بدهشة:
– معقول في كده ؟؟
رد فراس بصدق :
– والله كل تحاليلي كانت سليمة تماما… ده غير خالتها و امها فضلوا يقنعوها بالقرار ده وان ده اللي اكيد لازم يحصل .. في البداية طبعا حاولت أهديها واقولها انا معاكي … قالتلي لا انا مش هستنى لما تتجوز عليا وتسيبني .. حاولت افهمها واعقلها مفيش اي فايدة هي بتسمع لأهلها ورافضة تصدقني ومصدقة سيناريو