– طيب وبنتها ؟ مخوفتش لما عرفت أن عندها بنت نظرتك متغيرتش
ابتسم نديم بشرود:
– هتصدقي لو قولتلك أن بسبب بنتها اتشديت لها اكتر..
– طب وهي ؟ مشاعرها ايه
نديم بحزن :
– هي زي ما تكون خايفة.. خايفة من تجربتها السابقة …خايفة تدي نفسها فرصة … بيتقدملها كذا حد بس هي طول الوقت بتخاف تقرب من اي راجل..
close
سارة بتفكير :
– يبقى هي محتاجة تتطمن … والست لو اتطمنت لراجل يبقى هتحبه
ثم اردفت سارة برجاء:
– يارب تكون كويسة يا حبيبي فعلا … وتعوضك عن كل اللي مريت بيه .. وانت كمان تعوضها
– يارب يا حبيبتي
ابتسمت سارة :
-تصبح على خير.. هروح انام .. كنت مستنية اطمن عليك الاول