– كاميليا.. مالك يا حبيبتي في إيه؟
قالت بشفاه مرتجفة:
– كنت ماسكة نفسي بالعافية وأنا في الكلية .. مش قادرة يا فاتن هموت ..
– في ايه اهدي
– أم سامح!
– مالها الست الحرباية دي
أخفضت رأسها مستحية خائفة, لتقول بفتور :
– طردتني يا فاتن … عشان قولتلها إني رايحة امتحان
قالتها بصراخ منزعج:
– هي حصلت !!!
أنتِ إزاي سكتي لها إزاي!؟
close
ردت باندفاع:
– عشان الشقة في بيت عيلة أنتِ عارفة .. دي خدت مني مفاتيح الشقة والعمارة علشان مرجعش .. أنتِ متخيلة!؟
صرخت بذهول:
– طب وهتذاكري إزاي وهدومك وحاجتك .. وعلاجك
وقالت وهي تحاول أن تتمالك نفسها :
– مش عارفة يا فاتن مش عارفة ..
– حسبي الله ونعم الوكيل فيها .. ولما أقول حرباية تزعلي وتقولي حرام سامح يزعل
– كفاية يا فاتن بقى خلاص