– ديم وحشتني… انت بتعمل ايه هنا !
– انا مدير مامتك في الشغل
كاميليا باستيعاب :
– ديم !! انت بقى ديم بطل الشوكولاتة البيضا؟
نظر إليها نديم قائلا :
– وانتي ميكي ؟
– هي قالتلك دلعي كمان
close
ضحك جدها قائلا:
– هو انت صاحبها اللي في الحضانة ؟ دي دانا معندهاش سيرة غير عنك
ابتسمت كاميليا بتوتر وهي تعرف جدها على نديم :
– جدو .. ده مستر نديم مديري في الشركة
– اهلا بحضرتك
– ايه الصدفة الجميلة دي
سألته دانا :
– انت بتشتغل مع ميكي ؟
رد نديم بابتسامة:
– أيوة شوفتي بقى
أبتسمت دانا قائلة بمرح:
– ديم يا ماااامي … بيجيبلي شوكولاتة بيضا حلوة