ضحكت هند بسخرية:
– الأستاذة طلعت متجوزة!! وام كمان
شهق بصدمة :
– متجوزة ازاي ؟؟؟ اومال مش لابسة دبلة
هند بغضب :
– في بنات **** كده .. بيحبوا يخفوا حياتهم عشان تعرف توقع حد غير جوزها.
محمود باشمئزاز غير مصدقاً:
– معقولة كاميليا كده !! دي شكلها بريئة .. دي شكلها اصلا كأنها متجوزتش !
هند باستحقار:
– لا طلعت متجوزة و مخلفة كمان تخيل
ثم اردفت بكراهية:
– بس وحياتك لاخليها عبرة لكل واحدة تفكر تعمل الحركات ال**** … هفضحها قدام الكل بكرة .. بس اصبر عليا
______
في اليوم التالي
في غرفة الاجتماعات بالشركة..
قبل بدأ الاجتماع.. وقفت هند أمام كاميليا قائلة بنبرة ساخرة:
– انا اعرف الواحدة تخفي انها متجوزة ماشي .. في ستات واطية كده عادي .. لكن اللي تخفي انها ام و عندها بنت دي بقى نسميها ايه !!!!.
التفت الجميع إلى صوت هند بفضول ودهشة
جحظت عيني كاميليا بدهشة وتوتر :