– ماااامي
اعترضت صديقتها زينة تهمس لها:
– يلا نلعب معاه يا دانا حرام
صرخت بغيظ من صديقتها رغم برائتها:
– اسكتي يا زينة
أخرج نديم قطعة شوكولاتة من جيب سرواله قائلا بمكر :
– بص يا آسر جبت لك ايه .. الشوكولاتة اللي بتحبها
عزم عليها آسر بسعادة:
– تاخدي شوكولاتة وتلعبي معايا
هزت رأسها بنفي :
– لا مش بحبها .. بحب الشوكولاتة البيضا بس
رفع نديم حاجبه بدهشة:
– أصلا !
ردت بخجل:
– أنا هخلي ميكي تجيب لي زيها
قام بإخراج قطعتين شوكولاتة بيضاء كبيرة من الجيب الاخر ليناول كلا من دانا و زينة.. قائلا لدانا بشقاوة :
– وتستني ميكي تجيبها ليه لما أنا ممكن اجيبها لك حالا
شهقت بدهشة منبهرة من فعلته المفاجأة :
– Thank you
صاح آسر بشغف:
– خالو انا عايزها تلعب معايا يا خالو
سألها نديم محاولا أن يقنعها :
– طب إيه رأيك تلعبي معايا أنا ولو طلعت كويس تلعبي مع آسر؟
ابتسمت بسعادة فكم بدت جميلة ولطيفة وهي تأكل الشوكولات لتجيبه باعتراض وهي تنظر إلى طوله الفارع جدا :
– بس أنت كبير مش هتعرف !
– فقال لها : علميني طيب
حذرته قائلة :
– ولو طلعت naughty نوتي ( شقي) ؟؟؟
نزل نديم على ركبته إلى مستواها قائلا ببراءة:
– أنا نوتي ؟؟؟ خالص مين قالك كده ، ده أنا شطور جدا