شهاب اتعصب: لا مش حره طول ماهيا هنا معايا ممنوع تكلم راجل غريب عنها
عفاف ضحكت لانها كانت عاوزه تسمع كده وقاصده تستفزه: بصفتك ايه تمنعها
شهاب اتوتر: ب.ب. بصفتى الدكتور بتاعها وعاوز احافظ عليها لحد ماتبقا كويسه
close
عفاف فضلت انها توقف استفزاز وتسيبه يعترف لنفسه الاول لانه بيكابر: ماشي ياشهاب
شهاب قام من جنبها على اوضه ملاك واتنفس براحته، كان حاسس ان الاكسجين خلص وهيا بتتكلم معاه، خبط على ملاك ودقيقه وفتحت: ايه مش عاوزه تفتحى
بصتله بتوتر: لا ابدا انا بس عاوزه انام
لاحظ إن عيونها منفوخه من العياط وزعل جدا: تعالى ورايا
مشيت وراه وهو كان ماشي على مكتبه مضايق: خليكى هنا لحد ماارجع
قعدت على الكرسي وهو طلع لعفاف: ماما معلش ممكن تجيبي لملاك فطار
قامت عفاف وبصتله ببسمه حنونه: وفطارك انت كمان
شهاب راح على مكتبه: ياامى ماانتى عارفه انى مش بفطر