عفاف ضحكت: والفضل ليا
بصلها وغمز: الشيف الكبير معلم طول عمره
عفاف: طب ادخل غير هدومك يااستاذ عشان الغدا
close
دخل غير هدومه وخرج لاقى السفره جاهزه وعفاف قاعده لوحدها: اومال فين ملاك ياماما
عفاف: دخلت اوضتها وبقالها كتير جوا مش عارفه مالها ياابنى
شهاب قلق وطلع يجرى على اوضتها ودخل منغير مايخبط لاقها قاعده علي السرير وماسكه الموبيل واول ماشافته رمت الموبيل بعيد عنها: انتى مطلعتيش على الغدا ليه
ملاك وشها بيعرق ومتوتره جدا: انا.. انا هطلع دلوقتي
خرجت وراه وهو سابها ومحبش يسالها عن اي حاجه
قعدوا ياكلو وبعدين شهاب دخل مكتبه على اساس ملاك تيجى وراه وهيا فضلت لحد ماعفاف كلمتها: انتى ناسيه ان عندك جلسه مع شهاب النهارده ياحبيبتي
ملاك كانت سرحانه: هااا.. ايوه صح، اومال فين شهاب