شهاب ضحك بغلب: خايفه علي صحتك اوى يختى
ملاك اتغاظت منه: طبعاً… أنا عاوزه اخف وافتكر كل حاجه بسرعه
شهاب شاور على دماغه: المشكله مش في ايديكى المشكله في ده واهو انا هصبر معاكي لحد مالعلاج يجيب نتيجه او الفرج يجي
عفاف: انا عاوزه افهم ايه نظام حالتها ياشهاب انا لحد الآن مش فاهمه حاجه
اتكلمت ملاك بسرعه: ايوه وانا كمان عاوزه افهم حالتى
شهاب بصلها وهو بيضحك: نظام حالتك يستى معقد شويه معايا بس إن شاء الامور هترجع عاديه تاني، انتى عندك فقدان ذاكره تفارقي وعارف هتقوليلى يعني ايه هقولك المرض ده بيجي نتيجه صدمه عصبيه وكمان ده غير إصابه دماغك اللى عندك مرتين في
نفس المكان
ملاك مفهمتش ولا كلمه: ايوه يعني فيه أمل افتكر تاني
عفاف اخدتها في حضنها: إن شاء الله هتفتكري كل حاجه ياحبيبتي مش صح ياشهاب
شهاب: الموضوع محتاج شويه وقت وبإذن الله هتفتكري كل حاجه متقلقيش، هسيبكم أنا دلوقتي تحضرو نفسكم وهعمل مشوار صغير كده في السريع
خرج شهاب من عندها ونزل يروح يبص على الشقه ويظبط فيها كام حاجه