شهاب ضحك: انا مش بفكر في الكلام ده ياامى وانتى عارفه، ايوه من حق أنا خليت الممرضه تدخل سرير زياده ليكى جمب ملاك علشان تكوني معاها في الاوضه
close
عفاف: وانت ياابنى هتنام فين
شهاب: متقلقيش ياست الكل أنا هنام في مكتب هانى لو احتاجتى اي حاجه اتصلى عليا.
عفاف: ربنا يحفظك ويبارك فيك ياحبيبي….. تصبح على خير
شهاب: وانتى من أهل الخير ياامى.
دخل شهاب ينام في مكتب هانى وتانى يوم فاق على صوت هانى
: مقولتش يعني انك هتنام في مكتبي
شهاب صاحى بيمسح وشه ومش فايق لحد: لازم اخد من حضرتك الإذن يعني وإلا ايه
هانى ضحك: المكتب مكتبك ياابنى بس انت ليه بايت في المستشفى مروحتش الفيلا يعني
شهاب: مش هرجع الفيلا تاني
هانى اتصدم: إزاى ده
شهاب مش عاوز يقوله عن اي حاجه تخص البنت لأن اكيد هانى هيبلغ ابوه: عادى مخنوق وعاوز اغير جو شويه