طلعتها عفاف من افكارها وهيا بتسألها: هتنزلى مع هبه النهارده ياحبيبتي
ملاك: اي ده هيا هبه هتنزل معايا النهارده نعمل شوبينج
ضحكت هبه: ايوه ياملاك واهو بالمره اشترى شويه حجات ليا وللعيال
عفاف: طيب انا هقول لشهاب يوصلكم، هتنزلو على امتى كده
ملاك بحماس: دلوقتي دلوقتي
عفاف ضحكت: خلاص ياحبيبتي مفيش مشكله، ادخلو اجهزو عقبال لما اقول لشهاب
راحت ملاك تجهز ولبست فستانها الازرق الي معندهاش غيره وطرحه من عند هبه، عفاف قالت لشهاب وشهاب قام يجهز عشان ينزل معاهم.
بعد شويه خرج شهاب لاقى ملاك وهبه قاعدين في الصالون بيستنو: ها… جاهزين
هبه غمزتله: جاهزين يامعلم بس ايه الكاريزما دي كلها، قميص اسود وبنطلون ابيض والنضاره كمان لا لا كده كتير اوى عليا
شهاب ضحك عليها: طول عمري كاريزما يابنتي
هبه وقفت بفخر: شبهي طبعاً
شهاب كان بيقلع الجزمه عشان يخبطها في وشها: شوف بتقولى ايه المعفنه اش حال انك بتغسلى شغرك مره واحده بس في الاسبوع ياجربانه