جاسر بدموع: عملت يا فؤاد خا*نتني
فؤاد بثقه: أنا متأكد إن في حاجة غلط احكي يا جاسر خلينا نوصل لحل
جاسر بغضب: حل ايه و وفت ايه دي لو كانت آخر بنات الدنيا استحالة أرجع ليها
فؤاد: طب نحكي عن الماضي شوية
فلاش باك
جاسر : بعد ما جبنا الشبكة و روحت دخلت اوضتي و قعدت أفكر فيها في نظره عيونها و ضحكتها اللي اتحفرت في قلبي و انا مش دريان صوتها و هي بتقول يا جاسر بيرن في ودني بيخليني
أفكر فيها أكثر بقيت اكلم نفسي و اقول: أي يا جاسر هنخيب وإلا ايه لازم تعمل كنترول لمساعرك أنت بدأت تحبها وإلا إيه
قلبه:طب وفيها ايه لما أحبها مش هتبقى مراتي
عقله: فوق يا بني آدم أنت نسيت ظروف جوازكم أبوك جابرك عشان خاطر أمها
قلبه: طب مهي كمان عاوزه ترضي أمها معي أكيد مش متجوزاني برضاها
عقله: و يمكن قالت شاب غني و مفهوش غلطه و إبن خالي يعني لقطه
قلبه: قصدك طمعانه فيك اخص عليك بجد انت مشوفتش نقت ايه شبكتها غيرها كان اختار المحل كله
عقله: لا دول شويه بتعملهم عشان تبان أنها مش طماعه
قلبه : بذمتك أنت مصدق كدا طب جبتلها سلسله ليه
عقله: أيوه مصدق اسكت انت اللي بتجبنا لورا
يووووه بس انتوا الاتنين الأيام جاية كتير و هتعرفنا ايه اللي هيحصل
طلع السلسلة و بص عليها و قال فراشه زيها بالظبط بحسها فراشه بتتنقل من هنا لهنا و بتعمل اللي هي عاوزاه دي حتي د*لقت الشاي عليا مهو اكيد من الروايات اللي ماليه دماغ البنات مش عارف هتوديهم لحد فين
باااك
فؤاد و بعدين
جاسر لا بعدين دي موال يطول شرحه بكره ابقي احكهولك هتيجي اكيد الشركة