أسيل بتكبر مصطنع: اي دا انت مش هتفتخلي الباب اومال رجل أعمال ايه و الاتكيت اللي قارفني بيه
جاسر: اتفضلي يختي ياك نخلص
أسيل ركبت العربية و هي بتضحك على غيظ جاسر منها و راحوا جابوا الشبكة
close
في المحل
أسيل: لا مش عاجبني مش هاخده
جاسر: دي عاشر حاجه متعجبكيش انا تعبت بصي انا هقعد هنا و انتي اختاري و انا هدفع
أسيل بصرامة: فين أسلوب المشاركة يا استاذ
جاسر: بلا اسلوب بلا زفت اختاري خلينا نغور
أسيل اتجاهلت جاسر و نقت دبله و خاتم جمال و النقشه اللي فيهم بسيطه خالص
الراجل صاحب المحل: زوق حضرتك هايل جدا يا آنسه
أسيل بخجل: شكراً
جاسر شاف اللي هي اختارته قالها كملي بقيت شبكتك
أسيل: انا تمام كدا دول يكفوا شوف انت دبلتك
جاسر بزهول: دبله و خاتم بس
أسيل بسخرية: هنشتري المحل كله أخلص يا جاسر