عشق وهي تمسك يد سوزي بفيظ/تعالي نطلع فوق احسن نتكلم براحتنا اوووف .
جاسر بابتسامه/صباح الورد ي خالد .
خالد بابتسامه /صباح الفل ي اخوي قبل ماتتكلم في أي حاجه انا ساعتين كده ورايح الشركه ابقا هاتلي البنت دي .
جاسر بفرحه عارمه /ربنا يخليك ليا يا اخوي سلام .
خالد بنظره خبيثه/واضح أن الغيره بدأت تشتغل ولسه ي عشق هخليكي تتمني بس كلمه مني وتكون عشق خالد …
***************.
في غرفه عشق .
كانت تجلس سوزي وهي تتدخن سيجارتها بغيظ شديد.
/انتي عايزه تجنيني ي عشق لما كلمتيني انا قولت هلاقيه تخين أو لسانه طويل ولا شكله مبهدل ده الواد مزززز ي فقرايه ده يتساب ده
انتي دماغك ضاربه اساسا .
عشق بغيظ وغيره /ي سلام عجبك اوي كده من كام دقيقه اتكلمتي معاه وبعدين انا بحب رامي ومش هتجوز غيره .
سوزي بغيظ /عليكي وعلي رامي في ساعه واحده دي واد رخم وغتت خالد احسن منه مليون مره .
عشق بغيظ/وانا مش عايزاه وانتي هتساعديني .
سوزي بزهق /اوووف منك مش انتي قولتي أنه واخد كل حاجه خلاص سبيه واتنزلي عن كل حاجه.
عشق بحده /ده بعده دي شركتي الي تعبت فيها ومش هسبهاله لو السماء انطبقت علي الارض .