مريم : مش مصدقه حد فيهم . وعينيها متعلقه ب آدم . ومتأكده ان الحقيقه غير كدا ..
آدم : بيهرب من عينيها . احم انت قولت يامحمد أن ف علاج مريم هتمشي عليه لمده شهر . هو فين !؟
محمد : ايوه فعلا . ثوانى . وجاب العلاج . اتفضلى ياحبيبتي . اعدلها يا اشرف كدا . علشان تاخد العلاج . وبعدها هتبقى زى الفل .
مريم : اتعدلت معاهم بتعب .وبتاخد العلاج منهم وعينيها لسه ع آدم . وبصت للكل خلصتو !!؟ انا عايزه اشوف مراد وجت تقوم .
آدم : مسكها ..مريم . مريم انتى تعبانه . ومينفعش تروحي دلوقتي .
مريم : انا عايزه اشوف ابنى يا آدم ومحدش هيمنعنى .وكملت بعياط .. مراد اتصاب يا آدم اتصاب هو وفهد .ومعرفش فيهم ايه انا عايزه اشوف عيالى .
آدم : قلبه وجعه عليها . مريم بالله اهدي . قولتلك مراد كويس .
مريم : بعياط هستيري . انت بتقول مراد كويس اززاى . ابنى مضروب بالرصاص . ابعدو عنى خلينى اشوف ابنى . مراااااد .
محمد : مسكها وعيونه مليانه دموع . اهدي يامريم . وكل الل انتى عايزاه هنعمله ..
طبعا كلهم خايفين عليها لما تشوف حالة فهد وخصوصاً محمد الل عرف حالتها ..
مريم : قامت غصب عنهم . وبتدور حواليها برجفه فين نقابى . فين حجابى . انا عايزه اشوف ابنى وحالا ..
آدم : بدموع . راح ليها مريم . مريم قولتلك اهدي . انتى تعبانه .
مريم : مسكته من جاكيت البدله . بترجي . وعياط . ارجوك يا آدم ودينى لابنى . ابوس ايدك . بالله عليك ريح قلبى . قلبى محروق..
وعيطت . ونزلت ع الأرض . وآدم سندها ونزل جمبها ع الأرض بيبكي ع حالها .
مريم : بشهقات .. يااارب . يااارب انا راضيه بكل ابتلاءتك . راضيه بأي حال . ابتلينى ف صحتى ابتلينى ف عمرى . بس عيالى لأ. عيااالى لأ يارب . خد من عمري واديهم . خد من صحتى واديهم . خد نور عينى .ونور طريقهم . احفظهملى وابتلينى انا يارب . احفظ فهد وعيالى
يارب . يااارب بدعوة أم قلبها محروق تستجيب وتحفظ عيالى . يارب.
ومسكت ايد آدم : خدنى لابنى . ريح قلبى يا آدم انا عايزه اشوف مراااااااد .
الباب اتفتح .
مرادك هنا يامريوم.
كلهم بصو ع الباب بزهول … (مرااااد)
ف المستشفى العسكري. .
مراد : هي الساعه كام يافريحه !؟
فريحه : جابت الفون وفتحته .الساعه ٤ وربع ياحبيبى ..
مراد : بعدم فهم . كلهم موجودين إلا مريم . اومال مريم فين . ومجتش ليه يافريحه !؟
فريحه : بتوتر . لانها عارفه أن مريم تعبانه ف المستشفى . ما.. ماما مريم ف البيت . ف البيت .
مراد : بصلها وكشر عينيه . مريم ف البيت !؟
فريحه : بخوف من مراد وبلعت ريقها بتوتر .
احم اه . ايوه ياحبيبى ف البيت ..