محمد : غمض عينيه وبيتخيل العمليه وقسطرة القلب والصبغه . وتركيب الدعامه .
وفتح عينيه بسرعه . وقال الحمدلله انها جت ع قد الدعامه . والحمدلله اننا اكتشفنا قبل ما يحصل الاسؤ . انا كنت شاكك من زمان
واتحايلت عليها تكشف .وباس ع أيدها . هتفوقي يامريم . هتفوقي وهترجعى زي الاول واحسن ..
———————-بقلمى Mariem Nasar
آدم : لارين فين ياطارق !؟
طارق : رفع عينيه . بتفكير . وبعدها بدهشه . وقام وقف . رينو كانت معانا اول ما دخلنا المستشفى . بس !! بس لما دخلنا لفهد مكنتش موجوده .
آدم : قام وقف بصدمه . بنتى !! بنتى رينو !! واتحركو بسرعه يدورو عليها.
آدم : دور ف الدور كله مفيش اثر . ونزل الدور الاول مفيش ليها اثر .. وطلع الدور التالت . وبيجري بيدور زي المجنون . وبيلف لمح . بنت
منتقبه . قاعده ف اااخر الطرقه ع كرسي لوحدها ومنزله راسها. وقرب منها وعلشان عيونه فيها دموع الرؤيه مش واضحه . وقرب اكتر شاف الساعه بتاعة فهد ف أيدها . واتاكد انها رينو . وقرب منها بسرعه رينو !!؟ رينو بنتى . وقعد جنبها رينو حبيبتى!! وشاف دموعها
نازله ع الفستان ..
آدم : قام . وجاب كرسي وقعد قدام منها بقلق. ومسك ايديها الاتنين وكانت ساقعه . رينو . رينو حبيبتى . انتى كويسه !؟
رينو : رفعت راسها .وكانت عيونها زي الدم من الدموع . وقالت بصوت مبحوح . تعرف أن فهد زعلان منى . وانا زعلانه من فهد . وكنت هاقوله اني حامل وهيصالحنى .. بس تعرف يابابى فهد وأبيه مراد رجعو من السفر ..و عاملين فيا مقلب مش حلو . وانا قاعده هنا بعيط
علشان زعلانه منهم جدا .
آدم : شاف رينو بالحاله دي . وضغط على شفايفه وبيكابر . وبلع ريقه بصعوبه . رينو. رينو حبيبتى . حاولى تهدي يابنتى وازمه وهتعدي .