فارس : اخد رودي ورينو من الجامعه . وهيوصل رينو . على الفيلا .
رينو : قاعده فى العربيه . وسرحانه ومشتاقه لفهد . وقلبها ملهوف عليه . وبصت ل فارس . لو سمحت يافارس ممكن توصلنى شقتى !!
فارس : بصلها فى المرايه . بس يارينو . هتكونى هناك لوحدك . وفهد منبه عليا انى اوصلك بنفسي لحد باب الفيلا .
رينو : معلش يافارس ومتقلقش . انا بس نسيت حاجه مهمه في الشقه . وهطلع اجيبها .
فارس : تمام . انا هوصلك . وتطلعى انتى ورودي وتجيبى حاجتك وانا هستناكو تحت .
رينو : لأ مش هينفع . لو سمحت معلش يافارس . وصلنى وانا هبقى اتصل على ابيه زين . او بابى يوصلنى .
رودي : لفت ل رينو . وشافت دموع فى عينيها . وبصت ل فارس . وصلها يافارس . ومتقلقش عليها . انا هطلع معاها لحد باب الشقه . واطمن عليها وانزل . وبعدين هي هتكون فى بيتها مش فى الشارع .
فارس : اتنهد . ماشى ياست رودي على مسؤليتك تمام .
رودي : خلصانه يانجم .
فارس : بصلها . رودي انا جاى من السفاره يعنى مكان مرموق وتقوليلى خلصانه .
رودي : يادي ام العكننه . مكان مرموق ومكان معرفش ايه . سوق ياشبح سوق انا جعانه .
وفضلو يتكلمو مع بعض . ورينو عايشه في عالمها الخاص . واتصلت على مريم . وقالتلها . ومريم من صوت رينو المهزوز مقدرتش ترفض . وقالتلها طمنينى عليكى اول ماتوصلى . وقفلو .
فارس : وصل رينو . ونزلت . ورودي نزلت معاهم . وفارس نزل . وقال ل رينو معاكي المفاتيح .
رينو : ايوه معايه نسخه . ونسخه مع فهد ونسخه مع ماما رنا .
فارس : طيب هاتى المفاتيح . انا هطلع افتح وأشوف الدنيا كدا امان . واخد المفاتيح وسبقهم .وطلع وفتح الباب وكله تمام . ورودي
طلعت مع رينو . وسلمو عليها قدام الباب .
فارس : لو احتاجتى حاجه اتصلى عليا على طول . ولو هتروحي وزين مشغول اتصلى عليا هاجى انا ورودي وهنوصلك .
رينو : متشكره جدا يافارس .
رودي : سلمت عليها باى ياحبيبتى . اقفلى على نفسك كويس ..
رينو : ايه ياجماعه هو مفيش ست بتقعد لوحدها في الشقه . يلا انتو اتفضلو علشان متتاخروش . ونزلو ورينو دخلت وقفلت الباب .
ورودي اتصلت على مريم طمنتها على رينو وانها قاعده فى الشقه .ووصلناها لحد باب الشقه وفارس اطمن عليها . ومريم دعت لبنتها .
وكانت زعلانه عليها .
رينو : واقفه ورا باب الشقه . وسانده ضهرها عليه ..ومغمضه عينيها .وقلبها بيدق . وكأن فهد موجود في المكان . ودخلت ودموعها نازله . وبصت على الليفنج . ومكان فهد . والتاب بتاعه . وقلعت النقاب والحجاب . واتخيلت حركاته وهو بيجرى وراها . ودخلت اوضة الاطفال .