من اى حد تانى وبيتصرفله علاجه كمان . اتفضل .
فرد الأمن : بفرح . الله يكرمك الله يصلح حالك يادكتور محمد . وجرى على الست . وقالها . والست من فرحتها دموعها نازله . وراحت عند نرمين . وشكرتها وفضلت تدعيلها واتحولت على المبنى.
نرمين : بغيظ . طلعت الفون واتصلت على نور . وحكتلها كل الل حصل . ونور ادايقت جدا .
ومحمد لما نور قالتلو . اخد منها الفون . وقال لنرمين بنرفزه وصلينى بالبنت دى .
نرمين : ثوانى يادكتور . وراحت فين البنت الل اسمها سمر دى .
سمر : افندم يادكتوره .
نرمين : بغيظ .دكتور محمد عزيز عايز يكلمك اتفضلى .
سمر : بخوف وعدم فهم . اخدت الفون . ومتوتره . احم ا.ا.الو .
محمد : أتكلم وزعق بصوته كله . لدرجة أن تمارا صحيت وعيطت فى اوضتها ونور جريت تشوفها . واتكلم . انتى ازاى ترفضى كشف داخل عندى المستشفى وعايز يكشف وانتى عارفه انى مخصص مبنى مخصوص للغلابه . هااا !!؟ انتى ازاى تاخدي قرار بالنيابه عنى.!؟ ولا انا علشان مش موجود . اللعب هيكون من ورا ضهرى . وبعدين انتى ازاى تقوليها روحي اكشفى فى مستشفى حكومي . وانتى عارفه
إن الدكتور محمد عزيز عمرو ما رفض حاله بره المستشفى مهما كانت ظروفها أو حالتها . وزعق بغضب يعنى افرضي الراجل ده كان بيموت ومفيش قدامه غير دقيقه واحده بس وحد ينقذه . انتى ازاى تتصرفى التصرف ده . اسمعى انتى مخصوم منك مرتب ٣ شهور . على الجريمه دى . وأقسم بالله . لو سمعت بحاجه زى كدا تحصل تانى عندي فى المستشفى لايكون عقابه الرفد . مش خصم ولا جزا
.وزعق انتى فاااهمه .
سمر : برعشه . ومش عارفه ترد . فا..ه .
محمد : ماستناش يسمعها وقفل المكالمه في وشها .وكان متعصب جدا .