الحقووونى ياناس جوزى هيروح منى . اى دكتور . حرام عليكم مفيش رحمه .انتو قلوبكم حجر .. ااه ياارب . اجيب منين فلوس . وبتعيط بانهيار .
نرمين : ماشيه مع دكتوره زميله اسمها رانيا . ومكنتش محجبه ولبسها مش قوى . لكن باين عليها طيوبه .
نرمين : سمعت صوت الست الل بتعيط . ايه ده . ده صوت ست بتعيط والصوت جاى من بره المستشفى . ثوانى يارانيا .
نرمين : راحت للست جمب الأمن . وسألته . ايه ده . الست دى مالها . وقاعده كدا ليه وبتصرخ كدا ليه !؟
فرد الأمن : بزعل . دي ست غلبانه يادكتوره . وجوزها تعبان زي ما حضرتك شايفه . ودخلت علشان تكشف عليه . وبتسال في الاستقبال
والاستعلامات
.ولما قالولها على تمن الكشف . وقالت إنها على باب الله وممعهاش تمن الكشف وجوزها ارزقى . قالتلها اسفه مفيش كشف عندنا ليكى . روحي اى مستشفى حكومي . وامرتنى انى اطلعها بره المستشفى . ومن ساعتها قاعده كدا وبتعيط . الله يكرمك يعنى يادكتوره
مينفعش تكشفى عليه والله صعبانين عليه .
نرمين : بصت لفرد الأمن . انت جديد هنا !؟
فرد الأمن : بخوف لايترفد . لكن رد . احم ايوه يادكتوره انا متعين هنا من اسبوع واحد . والله ما اقصد انا اسف ..
نرمين : علشان كده . وراحت عند . الاستقبال و الاستعلامات . بغيظ . مين الل رفضت الحاله الل بتصرخ بره دي !؟
بنت من الموجودين : احم . دي واحده زميلتنا يادكتور . هي راحت الحمام .
نرمين : هي متعينه جديد !؟
البنت : لا يادكتور . دي شغاله هنا من سنين .
نرمين : تمام اسمها ايه !؟
البنت : اسمها سمر يادكتور .
نرمين : راحت لفرد الأمن . وقالتله . دخل يبنى الحاله دى . وحولها للكشف . وبصتله . وشاورت على يافطه كبيره ومكتوب عليها أن المستشفى بتستقبل اى حاله مهما كانت حالتها الماديه .وقالتله تبقى اقرا الل مكتوب على اليافطه الل هناك دى ماشي !!! وقالتله الدكتور محمد عزيز . مخصص مبنى مخصوص للحالات الإنسانية . واى حد ممعهوش تمن الكشف . بيدخل ويكشف ويهتمو بيه احسن