آدم : مستحملش . واتحرك بعيد شويه . وفهد شافه وراحله . ايه عمى . وحضنه .
آدم : بصوت مهزوز . اوعدنى يافهد انك تحافظ على رينو . ودمعه نزلت . فهد انا عارف انك بتحبها . بس الل قالقنى غضبك وعصبيتك .
فهد هيتكلم آدم شاورله وكمل . اسمعنى يبنى . انا كنت زيك كدا فى يوم من الايام . كنت عصبى وبتنرفز بسرعه . وبص على مريم . ومن غضبى كنت هخسر مريم وللابد . فهد . بدهشه ومش مصدق.
آدم : ايوه صدقنى . من غضبى كنت هخسرها واكتر من مره . ولكن قلبها الكبير كانت بتسامحنى . لكن رينو غير مريم يافهد . رينو واخده العند منى ومن امها .
وواخده قوتى وعقلى . وواخده ايمان امها لكن مش طيبتها. ولا زي نور لأ . رينو ممكن تسامح مره او ٢ لكن فى التالته لأ. حافظ على بنتى يافهد . لانها لو جتلى في يوم زعلانه . انا الل بوعدك انك مش هتشوف طيفها تانى . إلا رينو فاهم . رينو دي عندى اغلى من الكل .
فهد : اتنهد . انت بتوصينى على مين ياعمى . على رينو. رينو دى الحاجه الوحيده الل لما بكون عصبى بتحول قدامها وببقى واحد تانى. متقلقش . وابتسم وصيها
انت بس عليا . عمى رينو فى عينيا .
آدم : متزعلش منى يافهد . بكره هتكون إن شاء الله أب وساعتها هتعذرنى .
فهد : انا مقدر خوفك عليها ياعمي . وربنا يقدرنى واسعدها .وسمعو صوت تيمو بيعيط وعايز رينو . وراحو عندهم .
آدم : ايه يانور تيمو بيعيط ليه. .
نور : ابدا يابابى عايز رينو .
رينو : قربت منه . تيمو حبيبى متعيطش ارجوك . انا هبقى اخلى فهد يجيبك .
تيم : بيعيط . فهد وحش . فهد اخد لينو حبيبى . وبيعيط .