وهي بتركب العربيه. وبيتر الل هيسوق لانه شايف أن رينو بنته مش بنت أخوه وبس وسلم عليها وباركلها .
فهد : لف وراح يركب جنبها .
كل واحد سلم على مراته الل نزلت من السنتر . وكلهم بدءوا يتحركو على السيشن .
فهد : قلبه بيدق. وعندو شعور غريب جدا . لكن عيونها وبيفكر إذا كان انا هموت اول ما شوفت عيونها . طيب اقولها تمسح رسمة عينيها . ايوه انا هجبلها منديل وتمسح ام الرسمه . دى . لأ لأ . دى ممكن تزعل. وتقولى عايز تزعلنى يوم فرحي . اوووووف . ربنا يعدي اليوم ده على خير . اقسم بالله لو حد عاكسها ل افرم أمه . وتنهد بزهق .
لكن لف ليها . وشاف عيونها نسى كل حاجه . واخد كف ايديها وشبكها في ايده . ورفع ايده وباس ايدها بكل حب وعشق . واتنهد . مبروك يا لاري .
رينو : اول ما فهد ركب جمبها وقريب اوى كدا منها . قلبها بيدق . وحاسه ان صوتها مش موجود .
فهد : حس انها خايفه من الل جاى وده طبيعى
. لكن حب يطمنها . حبيبى انتى متوتره ليه كدا . بصي انا عايزك تعيشى اليوم ده بكل تفاصيله . وقرب منها وهمس . فهد بيحبك يارينو بيحبك لشخصك وبس . رينو . انا بحبك من اول ما عرفت يعنى ايه حب . وانا اهتمامي بيكي من اول ماكنت لسه عيل صغير . ودي كانت فطره وحب بيتزرع ليكى جوايا . وكل ماكبر احبك
. اكبر اكتر احبك اكتر . لحد ماوصلت معاكي حاجه كدا نقدر نقول في منتهى العشق . شوفى بقى بحبك من امتى يعنى قولى مثلا ٢٠ سنه حب . و ٤ سنين فراق ووجع وعشقك بيزيد عمره ما قل ابدا . يعنى صبرت كتير اوى يا لاري ومستعد اصبر قدهم أضعاف قصاد انك تكوني موجوده بس فى حياتى . حبيبتي . انا فهد حبيبك . انا امانك . انا ضهرك وسندك . ومش عايزك تخافى منى او تخافى من اليوم ده . لا اعتبريه يوم عادي جدا وافرحي وعيشي يومك . وعايز منك طلب .