رينو : الله يبارك فيكي ياقلبى . فين تيمو .!؟
فهد بيسلم على العيله . ومش مصدق ان الجمال والملاك ده ملكه . لكن للحظه غار عليها من ال هيشوف رسمة عينيها . ونفخ بديق . ومش عارف هيعمل ايه ..
مراد : راح ضم رينو بحب كبير . وعيونه لمعت . حبيبت قلبي وروحي . الف الف الف مبروك ياقلب مراد .
رينو : دموعها نزلت . واتشعلقت في رقبته ابيه مراد هتوحشنى اوى يا ابيه.
مراد : رفعها من على الارض . حبيبتي . انا معاكى على طول . متقلقيش . هتلاقينى ناطط في حياتك . ونزلها . وباس جبينها . وانتى الل هتقوليلى كفايه كده يا ابيه خد مراتك وروح .
رينو : ابتسمت . ربنا يخليكو ليا يارب . انتو سندى وحمايتى . انت وبابى وأبيه زين ..
زين : من وراها . انا هاقول لفهد ههههه . حبيبت قلبي مشاء الله. ايه الجمال ده حتى وانتى منتقبه .الله يكون في عونك يافهد . وحضن أخته . حبيبتي وضى عينيا مبروووك يا حبيبتي .
رينو : بشهقات بسيطه . الله يبارك فيك يا ابيه . ربنا يخليكو ليا يارب .
زين : طلعها من حضنه . وبيكابر . جرا ايه يابت يارينو . دي شقة فهد يعنى جمبنا مش بعيده . وزي ما مراد قالك انتى بكره الل هتزهقى مننا .
رينو : عمرى يا ابيه . عمرى مازهق منكم ابدا .
وبعدها . فهد جه وسلم على آدم ومريم . ومراد الل بينرفز كل شويه فى فهد . وزين . وراحو سلمو على طارق ورنا . ومصطفى عزيز وشيرين . الل قدمولها كوليه هدية جوازها من ابن بنتهم . وكمان رودي .
فهد . مسك ايد رينو واتوترت . وحطها فى دراعه . وراح بيها على العربيه . وكانت عربيه فخمه جدا . فتح باب العربيه . واخواتها جمبها وبيظبطولها الفستان