مريم : حاولت تهدا . اوعدنى يا آدم . اوعدنى إن العيله متتفرقش يوم واحد . انا بتمنى نفضل كده على طول . وان ولادنا وبناتنا يكونو موجودين جمب بعض على طول .
آدم : حبيبتي . ولادنا . وولاد العيله اتربو من صغرهم على الخير . وحاولنا على قد ما نقدر نخليهم يشوفو الدنيا بعين تانيه وانها مش مستاهله اننا نكره بعض أو نشيل من بعض . والسبب في كل ده بعد ربنا انتى يامريم . ومسك ايديها بحب . حبيبتي انتى السبب في
كل حاجه حلوه حصلت معايه . انا زمان اتربيت على الخير بفضل امى نور . كانت ديما ذيك كدا . تزرع فيا الخير والحب كانت محسسانى أن مفيش عندها غير آدم وبس . علمتنى الحب والطيبه . لكن ما بعد
مااتوفت . انا بقيت عايش لوحدي . وضعت وشوفت الدنيا بشكل تانى . ومبقتش بصلى زي الاول . اه اتغيرت للاسؤ لكن الجدر الطيب موجود . وبعدها ربنا بعتلك ليا فى عز احتياجي لحد ياخد بايدي . ويقولى فوق يا آدم . وانتى فوقتينى . ورجعتينى للطريق الصحيح . وخلتينى ارجع للصلاه من تانى . وكمان علمتينى
انى اسامح . وكل يوم تحفزينى ونتسابق على قرأة الورد اليومي . وواحده واحده . حسيت براحه نفسيه كبيره . وان آدم رجع زي زمان . واحسن من زمان كمان . وجبتيلى اجمل هديه فى العالم عيالى . الل بحاول على قد ماقدر انى اخليهم صحابى وعاملهم زى ما نور كانت
بتعاملنى وكمان انتى . وانا بقولك اطمنى . البذره الل كبرت على الحب والحنان والخير هتفضل زي ما هي يعنى ولاد العدوي هيفضلو كدا طول العمر . وانا واثق فى ربنا أنه مش هيفرقنا ابدا . ولا هنتغير ولا
هيتغيرو مع بعض . تفائلى بالخير . وبعدين انا شايفك كدا بقيتى بتستسلمي للحزن . ويقينك بدء يقل .فين مريم ويقينها.
مريم : استغفر الله العظيم . ايه يا ادم . يقينى بالله موجود ديما . لكن دي فطره فى قلب كل أم . وخصوصاً لو كلنا اتربينا على الخير زي
ما قولت . بس انت عندك حق . انا حاسه انى بقيت بستسلم بسرعه . وانا محتاجه تجديد لقلبى وايمانى . حبيبي ايه رايك . فى موسم الحج . نسافر مع سعاد . انا محتاجه اني احج .
آدم : باس أيديها . بس كدا . عيونى ليكى . نسافر ونعتمر ونحج كمان . انا كمان نفسيتى محتاجه مكه . هناك الراحه الل بجد . وباس جبينها حبيبتي ربنا يكرمك ويخليكي ليا . انتى نور البيت يااميرة قلب آدم ..
مريم : حضنته . حبيبتي . ربنا مايحرمنيش منك أبدا . وانت سندى وحمايتى وامانى . ربنا يديمك نعمه فى حياتنا يا آدم .
آدم : حب يفكها . اله يا آدم . يا آدم . اومال فين دومي . شوفتك ابنك الجبله . عيل مش سالك .
مريم : هههههه متفكرنيش . انا قولت ينهار اكيد سمعنى وانا بقولك يادومي.
آدم : لا هو بيضرب ضربته ويسكت . بس خلى بالك هيحاول يعرف . الواد انا حافظه . عيل ابن كلب جبله.
مريم : وبعدين بقى معاك . متشتمش مراد تانى . انا بزعل بجد .
آدم : يسلام . يعنى عجبك الل بيعمله .