من البيت . هصحي مين انا لصلاة الفجر . هجيب لمين كوبايه اللبن صبح وليل . وهي نازلة على الجامعه . وقاعده معانا على الفطار . وهزارها مع سعاد وزينب . وشعلقتها فى رقبت اخوها مراد . وعيال زين ومريم الل اتعلقو بيها .وتيم الل بيعتبر رينو أمه مش خالته . كل ده خلاص . هيتغير . ورينو ونور هيجولنا ضيوف .
ولو قعدو يوم مش هيقعدو التانى. وكل لما يكبرو المسؤلية هتكبر . وواحده واحده . محدش منهم هيجي غير كل فين وفين . لانهم هيخلفو وعيالهم هيكبرو . وهنبقى لوحدنا . ومش عايزنى اعيط .
آدم : اول ما مريم اتكلمت بدموع قام من مكانه . واخدها في حضنه وسابها تتكلم . وسمعها وزعلان علشانها . هي كدا الأم . لازم تفكر لسنين قدام . هي عايزه
عيالها يكونو معاها على طول . عايزه عيله وجدر قوى . واتنهد . حبيبتي بس علشان خاطر آدم حبيبك . روحي انتى يامريم ودموعك دى يتخنقنى صدقينى . وبعدين انتى ليه حسبتى كل ده . تعالى اقعدى . تعالى جمبى هنا . بصى ياقلب آدم . الل بتفكرى فيه ده مش
هيحصل. أولا لأن دى حاجه في علم الغيب . وثانيا فكرى كدا بعقلك . دلوقتي نور اتجوزت . ايوه انا معاكى أنهم هيبعدو لكن مش زى ما انتى فكره . يعنى نور بعدت اول فتره من جوازها لكن لما الحمل شد عليها .
محمد كان بيجبها هنا وليهم اوضتهم الخاصه . وبعد فتره لما تيمو شرف . مباقوش يفارقونا على طول موجودين . ولما نور حملت فى تمارا . تيمو على طول معانا ومع رينو . رغم أن محمد دكتور وشغال فى بلده . يعنى لا بيسافر ولا بيطلع مأموريات زى فهد .
مريم : بصتله .
آدم : ابتسم . ايوه يا روحي انا قصدي الل جه فى دماغك . إن رينو هتكون موجوده معاكى واكتر من نور كمان . لان فهد بيسافر وبالشهور زي مراد بالظبط . وفهد
استحاله هيسيب رينو لوحدها في الشقه . وبعدين ياميرو ياحبيبتي . لما تشتاقيلها . انا بنفسى هوصلك لحد عندها .ومسح دموعها . وابتسم وقال وحيااااات آدم عندك تبطلى عياط لو سمحتى.