فهد : اتنهد . سيدنا محمد رسول الله . يارينو .
وبعد شويه . فهد متحركش غير لما الطياره اختفت . واتنهد بزعل . ورجع على شقته وقلبه مشغول عليها . وساب الفون جمبه . لانه نبه عليها اول ماتوصل . تتصل عليه تطمنه .
اول يوم عدي على خير ورينو وصلت واتصلت على آدم ومريم وطمنتهم . واتصلت على الفهد وطمنته . وكل شويه ينبه عليها انها متكونش لوحدها .
تانى يوم الضهر .
فهد : اذيك ياست الكل
رنا : الحمد لله ياحبيبي تعالى اقعد . انت عندك شغل النهارده .
فهد : لأ .
رنا : طيب كويس قضي معايا اليوم بقى .
فهد : هشوف كدا . لكن انا جيت دلوقتي علشان بابا اتصل عليا . لأنه نسي شيك عميل فى الخزنه . وطلب منى انى اخدو وارحلو على الشركه .
رنا : ماشى ياحبيبي . ادخل المكتب وشوف انت عايز ايه .
فهد : اخد الشيك وخرج ..
فى ألمانيا .
نور : رينو . رينوووووو.
رينو : اييييه يانور . بتزعقى ليه .
نور : بزعق ليه . ايه يابنتى كل السرحان ده . الناس الل الفندق كله كان شويه وهيطلعو ينادو معايا . انا بنادي عليكى من بدرى . وانتى سرحانه وكمان مكشره . فى ايه بقى !؟
رينو : نفخت بديق . مفيش حاجه . المهم ابيه محمد رجع من المؤتمر ولا لسه . !؟
نور : قعدت جنبها ومبسوطه . ايووه رجع . والمؤتمر كانو مبسوطين من كفاءة محمد اوى . انا فرحانه اوووى .