رينو خرجت . وركبت جمب مراد . وزين راح معاهم. والكل واقف لحد ما العربيه اتحركت . ومريم و آدم . قلبهم بيدعي ليهم كل دقيقه . ومش هيطمنو غير لما
يسمعو صوتها لما تطمنهم عليها وعلى الكل .. وآدم اخد مريم وطلعو على اوضتهم . وآدم هيطمن مريم . ومريم هتنسي آدم وجعه وزعله . بكلامها الجميل . وحبها الكبير .
مراد . وصل المطار . ونزلو وكان محمد فى انتظارهم . وسلمو عليه .
محمد : خد يازين مفاتيح العربيه . وخدها معاك واركنها عندكو .
زين : تمام . وسلم على نور بحب كبير والولاد. وواقف جمبهم.
مراد : سلم على نور . تؤامه. والولاد . ووقف جمبهم .
محمد : يلا بقى بالسلامه انتو .
مراد وزين : بالسلامه فين .
محمد : روحو . وانا هدخل انا والبنات . اطمنو على رينو فى عينيا . ومحدش يقلق. وانا مش هسمح لحد يقف وينتظر . وبعدين انا مبحبش لحظات الوداع كفايه شرين ومصطفى .
مراد : احنا هنوصلكو جوه . لحد ماتركبو الطياره . بس علشان نطمن مش اكتر .
محمد : لا . اتفضلو انتو بقى . وانت عندك شغل انت وزين . يدوبك تروحو تنامو ساعتين ولا حاجه . وياريت تسمعو كلامى . اتفضلو متقلقوش. وبعد إصرار من
محمد اتحركو بعد ماسلمو عليهم تانى. .
محمد : اتحرك بالشنط . ونور ورينو ماشين جنبه .
رينو : اتنهدت بزعل . كان نفسها تسمع صوت فهد . قبل ماتسافر . وكانت بتتمنى أنه يكون صاحي علشان هي هتسافر .
محمد : نورى . استنونى هنا فى قاعة الانتظار . احنا قدامنا حوالى ساعه . انا هظبظ كل حاجه .
نور : اوكي ياحبيبي . ربنا معاك .
فون رينو رن . بفرحه . لكن بصوت مهموس. االو ..