زياد وماليكه . لسه قاعدين عند جاسر وملك . وجاسر كان مبسوط هو وملك من اهتمام زياد ب ماليكته .
زياد : محكاش حاجه للعيله بخصوص خطف رينو . لان آدم نبه أنه مش عايز حد يعرف.
وزياد : طمنه لان طبع ماليكه انها مبتحبش تسال كتير . وزياد قالها انه كان مع آدم وطارق فى شغل مهم ..
.ماليكه حملها كان فى الأول تعبها لكن لما حست جو العيله لاول مره .جاسر وملك . وكمان مالك وساره لما رجعو على الفيلا . والأهم زياد .
زياد : اول ماعرف أن ساره ومالك رجعو . احرج يبات في الفيلا . وقرر أنه يوميا ياخد ماليكه بليل على شقتهم وينامو هناك . والصبح يوصل ماليكه عندهم من تانى وفضل على كدا . وقالها خلاص كلها شهر . وننقل كلنا انا وانتى وهدى وحسام . فى الفيلا الجديده .
مليكه قالتله اى مكان انت هتكون موجود فيه بالنسبالى قصر . وزياد من قلبه مبسوط . وخصوصاً لما عرف ان ماليكه فى بطنها ولد . وانه هيكون ليه ذريه . وحاسس بشعور مختلف . والعيله كلها فرحت جدا . وخصوصاً هدى . الل بتعيط فى صلاتها وتشكر ربنا أن زياد هيكون عندو ولد من صلبه ومش هيبقى وحيد .
ودعت انه يكون سند صالح لابوه . ودعت لمريم بنتها. وحسام كان فرحان ل زياد جدا . وكمان ل مريم بنته لما عرفو انها حامل.
وماليكه لما عرفت انها فى بطنها ولد فرحت انها هتجيب السعاده ل زياد . ودعت ربها انه يكون ذريه طيبه. واتوضت وصلت ركعتين شكر لله . وعاشو الفتره دى
فى سعاده .
فارس وردي .
رودي مش حاسه بحملها . لانها مش مركزه معاه . لانها هي وطارق عاملين دماغ . وكل ده بيطلع على فارس ورنا . وخصوصاً . ان رودي مدمنه لعبة بابجي . وبعد عزومة مراد وفريحه. وفهد . لما مشيو . رودي وطارق عملو تيم فى الجيم . وردي فتحت المايك . وكمان طارق . رودي بتلعب جيم جمب فارس فى اوضتهم .
وطارق على السرير جمب رنا . ورودي تتكلم بصوت عالى فى المايك . وطارق يرد عليها . ويزعقو لبعض . وفارس متنح . ومش مصدق ان رودي بتلعب بابجي مع ابوه . لأ والل هيجننه أن ابوه كمان بيلعب بابجي معاها . وقعد يتفرج على رودي وهي بتلعب بابجى . وابتسم غصب عنه لأن كل تصرفاتها رغم انها عفويه لكن بيعشقها وبيحب روحها الحلوه . وعيونه عليها . ورودي اخدت بالها أن فارس سرحان فيها . وقفلت الجيم . وبصتله بحب . وفارس لا إراديا قام وقعد جمبها ونزل
على خدها باسها برقه . وهمس في ودنها . بعشق كل تفاصيلك يارودي . وتاهت فى همساته ونسيت العالم كله . وقرب منها بكل عشق . فارس شايف السعاده في وجود المجنونه فى حياته .