_حبيبة هو انا ليه بحسك محبتيش سيف اصلا
كون انك تسبيه وتقدري تتجوزي غيره ده دليل كفاية انك محبتهوش اصلا
سكتت حبيبة شويه وبعد كده رديت بجدية
_انا وسيف من صغرنا مع بعض وهو كان اقرب حد ليا في العيلة
ولما كبرنا واعترفلي بحبه ليا لقيت نفسي بقوله ان انا كمان بحبه وكنا خلاص هنتجوز وكنت شايفه انه الزوج المثالي بالنسبالي
لكن مع اول مشكله قابلتنا وشوفت صوره مع صاحبته القديمه دي وانا مفكرتش في اي حاجه وقررت انهي علاقتي معاه بدون تردد
ووقتها مكنتش حاسه بأي حاجه من الغيرة مثلا او ان واحده غيري لمسته والمفروض اتضايق
لكن كنت كل اللي بفكر فيه كرامتي مش اكتر واني لازم انتقم ليها
ف علشان كده حاسه ان انا فعلا زي ما قولتي مبقتش احب سيف..او محبتهوش اصلا وكل ده كان وهم عايشه فيه وكنت حابه حب سيف ليا مش اكتر
_طب هتعملي ايه دلوقت
_مش عارفه..انا تعبانه وعايزه ارتاح يامنار وزهقت من اللي انا فيه ده