كور ايديه بغضب جحيمي وعنيه اتحولت للون الاحمر وهو شايف راجل غريب شايل مراته وبيخطفها منه
فاق على صوت منار المصعوق
_كرم ده خالي مهران اللي عايش في الصعيد
close
بصلها كرم واتكلم بجمود وهو بيحاول يخفي كل الاحاسيس اللي حاسس بيها دلوقت
_تعرفي مكانه
هزيت دماغها بتأكيد
_طبعا ياكرم
_هاتي العنوان واطلعي على اوضتك يامنار وكام ساعه واختك هتبقى في حضنك
هزيت دماغها بنفي وبكاء
_لأ ياكرم علشان خاطر حبيبة خدني معاك
انا حاسه انها في خطر ومش كويسه والله اعلم ايه اللي حصل علشان خالي ييجي من البلد وياخدها بالمنظر ده اكيد في مصيبه
خدني ياكرم علشان خاطري