سمعت صرخة كرم بإسمها بغضب واللي كان بيبصلها بشر
_اخرسي ومسمعش صوتك واللي تأمرك بيه سهيلة هتعمليه
close
قولتلك قبل كده وهقولهالك تاني انك مجرد خدامه عندنا
بصتلهم ببرود ولامبالاه
_وانا مش هعمل حاجه وعلى ما في خيلكم اركبوه
دخلت اوضتها تاني وقعدت تفكر في اللي هتعمله بعدين
مسكت تليفونها وطلعت صورها هي وسيف وانفجرت في العياط
قد ايه كان باين انهم بيعشقوا بعض وانهم عمرهم ما هيتفرقوا
ازاي قدر يخونها..وهي ازاي قدرت تتجوز واحد غيره حتى لو بهدف الانتقام منه
فضلت تقارن بين سيف وكرم ولقيت ان سيف يكسب بإكتساح وانه مكنش بيقدر يشوف دمعة واحده بس من عينيها