بتمر اربع سنين وزين ونور بيكبروا ونور كانت بتعشق اخوها بمعنى الكلمة كانت بتحبه جدت وبتخاف عليه بس دايما محمد كان بيبعده عنها
وتمر سنتين كمان وزين يكون عنده ست سنين ونور ١٣ سنة
وبييجي وقت المدارس
محمد لهند :لازم ناخد ورق زين ونقدمه في المدرسة
هند باستغراب:هو انت هتقدم ليه في مدرسة
محمد:اه طبعا مش ابني ولازم يتعلم
close
هند بفرحة :طيب بالمرة اجيب ورق نور
محمد :ورق نور ايه معنديش بنات بتتعلم ابني حبيبي بس هو اللي هيتعلم ده اللي هيشيل اسمي وهيشرفني بدل العار اللي جوة دي
واليوم التاني بيروحوا ويقدمه لزين في المدرسة ونور زعلانة جدا
وبييجي وقت المدارس وزين بيروح المدرسة ومحمد بيوديه ويجيبه ودايما يشتريله اللي هو عايزه واما نور تطلب منه حاجه بيضربها وينهرها وتمر الشهور والسنين والوضع كدة وزين ونور بيكبروا