شلت الصد@مة لسان جنات ووقفت كأنها طعنت بسكين حاد في قلبها… عندما علمت أن الواقفه أمامها زوجة زوجها
والدة احمد من الداخل…. اتفضلو يا جماعه…اتفضلي يا أسماء يا بنتي نورتو
لم ترفع أسماء عينها عن جنات الواقفه مصدومه ودموعها تنزل على خدها بصمت
دخل مسعد وأسماء إلي أحمد
كانت رجل أحمد ما زالت في الجبس ووجهه به الكثير من الكدمات
مسعد…. ألف سلامة عليك يا أبو حميد..دا إنت شكلك لسه تعبان خال
والدته…. الحمد لله هو كان فين وبقي فين…دا اتكتبله عمر جديد
احمد….. الحمد لله على كل حال… شكرًا علي سؤالك وشكرًا يا اسماء إنك جيتي تطمني عليا
والدته…. أنا هقوم اجهزلكم حاجه تشربوها
مسعد….. روحي مع حماتك يا أسماء واتعرفي علي البيت
والدة احمد….تعالي معايا يا حبيبتي
خرجت أسماء مع والدة احمد ونظر مسعد إلي احمد وقال
أنا جبتلك أسماء علشان تبقى جمبك وإنت تعبان..دا واجبها وده حقك عليها
احمد بصدم#مه….طيب كنت كلمني قبل ما تيجي علشان على الأقل امهد الطريق لمراتي… وبعدين أنا لسه تعبان مش كنت تستني لما أخف واجي أنا اخدها من بيتك