دياب طلع فيروز اوضتها وورد طلعت معاه حطها على السرير وطلع راح اوضته
فى اوضه دياب
دياب كان قاعد على السرير وحاطط ايده على دماغه
دياب فى نفسه: هتعمل ايه يا دياب هتقدر تكمل معاها بعد ما عرفت ان ابوها هو اللي قتل ابوك بص دياب على الدبله اللى في ايده اللى لبسها فى كتب الكتاب فاق على صوت الباب وهو بيخبط
دياب بصوت موجوع: ادخل
هاله: فى ايه يا دياب ايه اللى حصل فى فيروز
دياب بتعب: مش قادر اتكلم ياما
هاله قعدت جمبو
هاله بطيبه: فى ايه ياولدى ايه اللى تاعبك
دياب بعيون حمرا ودموع محبوسه بيحضن هاله جامد
هاله: مالك يا دياب فى حاجه تعباك
دياب بدموع محبوسه: انا تعبت مش قادر استحمل اكتر من كده من زمان وأنا الحمل عليا استحملت كتير مفيش حد في سنى استحمل اللي انا استحملتو حتى البت الوحيده اللي دخلت قلبى ابوها ق….
هاله باستغراب: مال ابو فيروز ياولدى
دياب: هو اللى قت*ل ابويا ياما
هاله بصدمه: انت بتقول ايه يا دياب
دياب بعيون حمرا: هو دا اللي عرفتو النهارده من الكل*ب اللى اسمو جمال
هاله بزن: وانت قابلتو فين
دياب حكى لامو كل حاجه
هاله: كُل دا يطلع من الكل*ب اللى اسمو جمال والله ماكُنت مرتاحه ليه من الاول طب انت هتعمل ايه مع فيروز