انا: انتي مبتخافيش خالص ي اسراء.. انتي بتترعبي بس..
اسراء: هي الخدع الصوتيه دي السبب لعلمك هي ال بتفجعني..
خلصنا الفيلم وعملنا فشار وفضلنا نتكلم احنا الاتنين طول الليل لحد الفجر عن حياتنا كلها قبل كدا…
سالت نفسي سوال وقولت ليه متجوزتش اسراء ف وقت غير ده.. ليه مش قبل كدا…
وفعلا لقيت الجواب.. الجواب ان الوقت ده مش بتاعنا.. واحنا ملناش دخل فيه.. ده بحساب ومواعيد ثابته ربنا كاتبها.. احنا ملناش دخل فيها..
فضلنا سهرانين نتكلم ونحكي ونضحم لحد الفجر وقمنا صلينا…انا صليت بيها.. وبجد كنت حاسس اني اسعد انسان ف العالم..
مصحيتهاش بعدها وانا مسافر ونزلت بدري…
لقيتها بترن الساعه 11..
اسراء: ليه مصحتنيش اسلم عليك قبل متنزل يا ادهم..
انا: محبتش اقلقك
اسراء: طيب خلي بالك ع نفسك.. وابقا كلمني اول متفضا ان شاء الله..
فضلت بعيد عنها 10 ايام مشوفتهاش.. ولا بصيت لعيونها.. ولا شوفت ابتسامتها.. ولا عياطها حتى.. كل التفاصيل دي وحشاني..
هي نزلت الشغل.. وبكلمها كل يوم شويا بس بجد عاوز اشوفها…