سميه….بطني بتوجعني يا ماما ومقدرتش أنزل
close
أنا مكدبتش أنا فعلًا لما بتوتر بطني بتوجعني
حماتي….طيب عندك برشام مغص ولا ابعت حد من العيال يجبلك
سميه…. أنا هدخل أشوف برشام عندي جوه…تعالي إنتي أدخلي اتغدي معانا
حماتي…. لأ مش جعانه
سميه….. لا والله لازم تدخلي تتغدي معايا
دخلت حماتي وحطيت الغدا وقعدنا نتكلم شويه في أمور عامه…التوتر إللي عندي خف شويه لما بطلت تفكير في الموضوع…اتغدت حماتي ونزلت تحت… وأنا فكرت مع نفسي وقولت همسح الماسنجر خالص علشان اريح دماغي من وجع الدماغ ده….وبصيت لقيت جاتلي رساله تاني
هو أنا ليه كل ما أكلمك من صفحه تعمليلي حظر
ما تكلميني وشوفي أنا عايز إيه
لو رديتي عليا بالليل هقولك أنا مين… وياريت متعمليش حظر
….. أخدت اسكرين شوت وبعتها لجوزي طبعًا وعملت حظر
سليم….طيب ردي عليه وشوفي هو مين
سميه بصدم#مه….. طبعًا لأ مش هرد عليه