كوثر _ لا والله مش هقعدله ف البيت تاني بعد اللي عمله فيا ده بقى انا يتجوز عليا ويتجوز عليا مين عيله من دور عياله ونزلت دعاء
وقالت
دعاء _ مالك يا حماتي عماله تندبي حظك ليه
كوثر _ بقولك ايه يا بنت انتي امشي اطلعي شقتك انا مش طايقه اشوفك
قدام عيني اصلا
دعاء _اطلع شقتي ازاي بس يا حماتي بقى انا قاعده عماله ارتب ل الموضوع ده بقالي كتير علشان اشوفك قاعده مخنوقه كده وفي الاخر تقوليلي اطلعي
شقتك
كوثر _ صح انتي يا بنت انتي اللي كنتي على طول بتقعدي معاه لوحدكم اه يا بنت الايه بقى تعملي في ايه الموقف ده
دعاء $ شوفتي حماتي الموضوع بيضايق ازاي كنت عماله تزني على جوزي عشان يتجوز عليا عشان يجيب الواد انا اللي خليت جوزك يتجوز عليكي
كوثر _ منك لله يا دعاء وهخلي جوزك يتجوز عليك ويطلق-ك ويرميكي في الشارع
دعاء _بكره نشوف يا حماتي مين اللي هيرمي تاني في الشارع
كوثر _ امشي غوري من هنا مش عايزه
اشوف وشك، وبعدها بكام يوم
كنت وافقه المطبخ بعمل اكل ولقيت مصطفى دخل وقالي
مصطفي _ بقولك يا ندى انا الفتره دي هبات تحت في شقتي الثانيه برده هي ام عيالي ولازم اكون معاها
ندي _ براحتك اعمل اللي انت عايز تعمله
مصطفي _ نسيت اقولك صحيح من هنا ورايح مش هيبقى في اكل في شقتي كده الاكل وكل حاجه هتكون تحت عند ضرتك
ندي _انا مش عارفه اقعد معاها تحت بعد اللي حصل ده خليني هنا في شقتي احسن
مصطفي _ اسمعي يا ندى كلامي كويس قوي انا بحب لما اقول على حاجه تتنفذ من اول مره ما بحبش افضل اتكلم فيها كثير
ندي _تمام حاضر اللي تشوفه هعمله